theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Heipor e cha hapoh Jail yoh u I Love You wa kiwi ki 5 ngut wow yut

Katkam ka khubor wa da yoh u lum heiyatoh wa i yoh u yut ki 6 ngut wa kynthup ya u I Love You Talang wa u Ramesh Dkhar na District Jail Jowai kiwa emkti leh hei tynyap ya ki arngut kiwa kamai kari kiwa na West Jaiñtia Hills ini wa dep. Da jia i ynne heipor kamwa 1:00-1:30 i sngi heiwa da mynsoo malu mala uwi uwa kreh (Warder) hapoh kani ka Jail katwa uwi won u pulit (Battalion) wa yang ha ka Gate wa nyngkong kani ka patok won da mynsoo joor u hadien wa chah dung da ka tari na khlieh.

Yow psiah cha kani ka patok da em le tylli ki Gate kiwa da yang sonteri da ki pulit heiwa kawa napoh dooh kawa emlang ki koidi, ha kani ka da yang soo ngut (ar ngut napoh wa ar angut na lait) wei dep kani ka Gate dapoi sa kawi ka Gate yow psiah cha ki thaw chnong ki wakreh kani ka Jail wei poi sa ka Gate wow mih cha lait kani ka Jail.

Ini wa da jia ynne toh heipor wa wan e cha ya ki koidi heiwa kini ki 6 ngut da yang chwa ki wei mar ya wai ya ka Gate yow psiah uwa e cha, da toor ki yow yut deiwa yadat wa ki pulit wa yang heini wei da chim ki leh yow chabi yow yoh mih sa na ka Gate wa lai chei thaw wa em ki wakreh dep te mih ki cha pchem kani ka patok wa em sa du uwi u pulit wa yang uwa da siat leh cha suiñ tangwa kini ki 6 ngut da ye ki wow yaleh wa oo heiwa ki da em ki leh ya kawi ka tari kawa da dung ki ya uni u pulit uwa da toh neibynta i khlieh.

Kiwa em dukan ha lait kani ka Gate wow psiah chapoh ka Jail da khana ki wa sñiaw yeiwa kieh ka Gate khroom khroom kamwa em kiwa yachoh wei hadien ini da yoo ki ya ki bru wa yut kiwa da lai cha ka luti  em cheiliang tidiang hawa mih napoh kani ka Jail.

Katkam wa man kattæ dang thooh ki pulit ya kini kiwa yut heiwa da em wa yoo ki cha ka thaaiñ Sabahmuswang.

Waroh kini kiwa yoh u yut wa kynthup ya u Ramesh Dkhar, u I Love You Talang, u Marsanki Tariang, u Shidorki Dkhar wa u Lodestar Tang toh kiwa emkti ha ki kaam pynyap bru lait noh u Rikmenlang Lamare.

Neiliang ki pulit da kyntu ki ya ki padbah wow Phone ya kini ki Number ha wah lada tip ki iyi iyi chaphang kini wa yut.

Police Control Room Jowai: 9774065467 wa 03652220050.

Shidorki Dkhar
Share this:
Previous

Daw pynman biang ya ka Sahlyngkhot Lyngdoh Memorial Knock-Out Football Tournament ka Lumputhoi Sport Club

Next

Wan wai u Vincent Pala ya ka 7th Money Prize Football Tournament ka Chiehruphi