Heipor sngi chah lute ka khynnah skur ha Shillong deiwa chah pynyang tari

Ka khynnah skur wa dang 17 snem i rta kawa lai skur ha Auxilium School, Nongthymmai, da chah lute ko heipor sngi hajan ka Aprilia Showroom wa em ha Lumiawblot, Nongthymmai ha ka 25 tarik.

Kani ka khynnah skur toh kawa dang liwan cha yung na skur heipor kamwa 2:33 i sngi wei heini i por da mih syndet ki bru kiwa pynsangeh ka wei da pynyang ki da ka tari na rdang ko hadooh wym tip yong bru de ko nei leh i tieñ.

Katkam wa ong ki pulit, kini ki bru da em ki soo ngut kiwa da kynreh ya ka muna skur kani ka khynnah kamjooh da klah ki ya ki kata ko wei da yoh ki wow tooh ₹300.

Ka bei kani ka khynnah da ujor FIR ko mar ya ka jia ini we ya kani ka khynnah da kit cha Civil Hospital, Shillong heiwa da yoh First Aid ko chwa wow pynlait ka.

Related posts

Da wai ya ka Shooting Range wa em ha West Jaiñtia Hills hei lut wa ₹1.25 klur

November 5, 2026

Ka Nursing College wei pynku kyrdan ya ka Laskein kam ka Sub-Division toh kiwa emkaam bha: Conrad

November 5, 2026

Ki pulit da Register Case ki wei da lai ki leh cha ini i thaw wa jia, wei da sdang ki leh wow pait ya ki CCTV wa em cheini chajan yow tip kiyi kini ki bru wa emkti.