I lai mih ki paidbah ynne cha ka thaw pynman Public Hearing ka Shree Cement ha Lum Syrman kawa daw pynman ha ka 31 tarik da mih boon i kynaad hadien wa da em kiwa khang ya ki paidbah wow lai cha kani ka thaw heiwa ki pulit da kawang ki leh da ki Tear Gas cha ki paidbah.
Ha ki bynta ka yaaw Cement kawa dang haap hapoh ka Elaka Sutnga da sdang i kawang Tear Gas heiwa da em kawi ka manbei kawa bah khon deiwa lailang wa uwi u khon da ngatlang ko heini.
Kani ka manbei da yaam ko neidaw wa joor jhia ka Tear Gas wei katkam wa ong kiwa em heini da haap i khonboo wa ye u man neiwa phet wei ym chynna de ko.
Ki bru wa yarap ya ka da beiñ ki yeiwa leh ki pulit wei u khon ko uwa da rap heh leh da yaam u na ini wa jia ya ka bei u wei yei khonboo da em wa chem ki.
Da sñiaw leh ya u khon ko uwa da ong ya ka bei u wow pi lai noh i.
Ini wa jia wa yoo piah nood da wanrah i leh yei beiñ na ki paidbah hadien wa poor ini i Video.
Kawi kawa emlang heini da ong ko wa da lai ki dei kjat neidaw wym yoh kari de ki wei heini i por da em wa kawang da ka Tear Gas hadooh wa toh cha ki hadooh wa jhia ki khmat.
Da ong ko wa ka toh kawa em dukan ja wei hawa jia kam ini toh u pynlait ya ki deiwa yaklam wei wow pynlait ya ki u liwan wei ymtoh u jia kamni.
Discussion about this post