Heipor wa em ha kti ki pulit yoh uwa tooh wow sap da ka Uniform u Constable

Uwi u pulit Constable ha Bengaluru da chah beh kreh u chipor hadien wa chem yei dur wa sap uwi u bru wa chah kem da ka Uniform uni u Constable heipor wa em u ha kti ki pulit wei da yoh u leh wow leh Video Call wa ka kurim u deiwa sap ya kani ka Uniform.

Ki pulit da ong ki wa uni u Constable toh u Sonar H R uwa kreh ha Govindapura Police Station wei da chah pynchitom (Suspend) u hadien wa yoh sap uwa tooh ya ki sula u.

Ya uni uwa tooh da tip kam u Saleem Sheikh wa khut sin kam u Bombay Saleem uwa em 50 tylli ki Case kiwa yatoh wa ki kaam tooh pyrchah ya oo.

U Saleem da chah kem u ha ki pulit ka Indiranagar kiwa takit yei kaam tooh wa jia ha ka 23 tarik u Naiynru heiwa da yoo ya oo wa lai tooh u deiwa riñ ha ka CCTV.

Hawa pait ya ka Mobile Phone u Saleem da yoo yei dur (Screenshot) na ka WhatsApp Video Call heiwa da sap u ya ka Uniform pulit heiwa da ong u wa ka bru ha i dur toh ka kurim u.

Related posts

Beiñ ka Delhi HC ya ka sorkar yei wym ye ko wow pait yei ku bai lieñsuiñ hadooh Rs. 40,000

December 10, 2025

Maham khang tala ka VPP ya ka JHADC lym su tulop ya kiwa kreh hapoh 16 tarik

December 10, 2025

Hawa takit ya u Saleem da chem wa da chah kem u ha u 2024 ha ki pulit ka Govindapura wei da yah ya oo cha baar ka Bengaluru wow thooh ya ki tiar wa tooh u wei da pynsah ya oo hapoh kawi ka Hotel. Ha ini i por da yoh u wow sap ya ka Uniform u Sonar wei da yaklam Video Call u wa ka kurim u.

Hadien ini da pynchitom ya u Constable Sonar wei i takit dang lai i chaphrang.