U Himanta Biswa Sarma ynne da e u ya ka chithi hiar chuki kam u Chief Minister ha u Lat ka Assam, u Lakshman Prasad Acharya ha Lok Bhawan, Guwahati hadien wa jop ka BJP ha ka Election Assembly.
U Himanta da ong u wa oo wa ki Montri ka sorkar Assam da hiar chuki ki deiwa bood ya ki kyndon ka synchaar paidbah ha ka ri wei da e kti ki ya ka chithi hiar chuki ha u Lat ka jylla.
Da pyntip u leh wa u Lat da chah u ya ka sorkar warim wow pteiñ ko kam ki Caretaker kat hadooh wa thung pura ya u Chief Minister wa ki Minister.
U Himanta da e khublei u ya u Lat wa da yahluti ya ka sorkar ha ki san snem wa dadep wei da pyntip u wa da thung ya u J.P. Nadda wa u Nayab Singh Saini kam ki Central Observer da ka Party.
Chooh chooh da ong u wa ka BJP wa ka NDA daw wan biang ki ha Lok Bhawan wow kam wow chna sorkar.
Heiyatoh wa i baam smai, u Himanta da pyntip u wa daw pynman ya ka ha ka 11 tarik uni u bnai May heiwa da khut sñiawbha leh ya u Prime Minister Narendra Modi wow sakhi yeini.
Discussion about this post