Ka jylla Meghalaya ha uni u snem da sakhi ko yei duna i yoh slap da 43% heipor ly’ur, nadooh u Naiynru hadooh u Naikhynde. Man u snem ka jylla jooh yoh ko 2,695.3 mm u slap tangwa ha uni u snem da yoh ko du 1,544.9 mm iwa man iwa duna dooh.
Da ku du ha South West Khasi Hills District kawa da yoh 3,030 mm u slap iwa ku da 64% neiwa jooh yoh ko 1,851.6 mm.
Ki heh ka Meteorological Centre ha Shillong da ong ki wa yoosar da sdang hiar i yoh slap ka jylla heiwa ka thaaiñ Sohra wa Mawsynram leh da duna bha i yoh slap ko.
Ka East Khasi Hills District da hiar i yoh slap ko da 31%, ka Ri Bhoi District da hiar i da 43%, ka West Garo Hills District da duna i da 51% katwa ka West Khasi Hills District da duna i da 50%.
Ka West Jaiñtia Hills District da duna i yoh slap ko da 75%, ka East Jaiñtia Hills District wa ka North Garo Hills District da duna u slap mar 60% katwa ka South West Garo Hills District won 64%.
Chooh chooh ka jylla da sakhi ko yei ku i chit ha uni u snem lada nujor wa ki phaw snem wa da lai.
Discussion about this post