Jowai: Ka Touchline Northeast man ko seiñ napoh ka jylla Meghalaya kawa thmu wow kyntu ya waroh ki jait yalehke kamjooh wow yarap ya kiwa yalehke u poi ki cha ki kyrdan wa heh.
Ynne ka sngi kani ka seiñ da li hiar ko cha Khliehmushut, Shangpung heiwa da pynman ko ya ka pynsñiawthooh paidbah hei yatoh wa kammon u pynman ya ki esikai ha ki skur ha ki yalehke wa boon jait.
U Arki Nongrum, State Co-ordinator kani ka seiñ ynne ka sngi da klam u leh chaphang ka Mission 11 Million kawa da sdang da ka sorkar India yow kyntu ya ka yalehke Football deiwa pynpoi ya ka cha ki 12,000 tylli ki skur ha ki 37 tylli ki chnong hapoh India yow pynchlur ya ki khynnah wow jied ki u yalehke Football kamjooh yow chem ya ki khynnah wa em yei sap yalehke Football yow esikai ya ki naddooh dang khian ki.
Kam chibynta ini ka FIFA Under-17 World Cup daw pynman ya ka hapoh India ha u Niachiphaw.
Ha kani ka sngi leh da pynman ya ka esikai yalehbol da ki Coach u Barister Rymbai waka Carol Rymbai wei da saam leh ya ki bol cha ki skur waphær waphær.
U Arki da pyntip u leh wa daw pynman ya kam kani ka pynsñiawthooh paidbah kawa heh ha Jowai.
Ha kani ka sngi leh da emlang ka seiñ FKJGP-JH heiwa u president ka seiñ u T. Lytep da kyntu u ya ka sorkar wow chimkhia ki ya ki kaam Sports neibhah katni ka man ko kam kawi ka laad im jakpoh ki bru.
Discussion about this post