15 49.0138 8.38624 1 0 4000 1 https://wyrta.com 300 0
Advertisement ad1

Hiar khyndaw ka Cyclone Bulbul chah pyndam ki lieñsuiñ wa mih na Kolkata

0 Comments

Jowai: Ka Cyclone Bulbul da yooluti wow hiar khyndaw ko heipor 11 waje ynne i miet katkam wa pyntip ka India Metrological Department (IMD) kawa wanrah lang yaka la-ær wa joor hadooh 120 Km daw poi ko ha Sagar Island ka West Bengal wa ha Khepupara, Bangladesh daw psiah ko chapoh ka jylla West Bengal wa Odisha wei daw tlot ko katwa dang lai ko.

Ka khubor wa da yoh da ong wa da khlaad uwi nei oor i chram ha Rajkanika Block ka Kendrapara District, Odisha wa uwi ha West Bengal neidaw wa oor ki dieñ.

Kani ka Cyclone daw ye ko u wanrah slap chapoh ka jylla Meghalaya hadooh ka 10 tarik uni u bnai.

Kiwa boon leh ki Airline kam ka Indigo, SpiceJet, Go Air, Vistara wa Air India da pyndam ki yei hær ki lieñsuiñ yong ki na Kolkata hadooh 6 waje i step ka 10 tarik.

Hapoh ka jylla Odisha hadooh 4000 ngut ki bru da kyrriah thaw ya ki kiwa em harood ka duriaw cha ki rung rieh wa da chna ya ki wa em 47 tylli.

Ya ki jhad da booh ya ki cha ki thaw wa ye ki wow lait na kani ka Cyclone.

Ya kiwa uiñke suwari kam ha ki thaw wa em harood duriaw kam ha Digha, Bakkhali, Mandarmani, Talsari wa Shankarpur da pha mih ya ki napoh ki Hotel.

Kani ka Cyclone katkam wa ong ka IMD daw kut wei wiar bor ko haka 11 tarik uni u bnai.

0 Comments

Leave a Reply