Ka Cyclone Mocha kawa da kheiñ kam ka Extremely Severe Cyclonic Storm da hiar khyndaw ko heipor kamwa 12:00 waje pyrdi sngi ynne ha ki bynta wa ne tre ka Bangladesh wa Myanmar deilang wa ka la-ær wa joor 180-190 Kmph.
Kani ka Cyclone u psiah ko cha Myanmar deiwa lai najan ka Cox’s Bazar ka Bangladesh wei da em ko kattæ hajan i thaw wa tip kam i Sittwe, Myanmar iwa jngai 145 Km na Cox’s Bazar, Bangladesh.
Ka India Meteorological Department da pyntip ko wa kani ka Cyclone Mocha toh kawa da sdang tlot wei daw man ko kam ka Very Severe Cyclonic Storm.
Kamtæ kani ka Cyclone daw wanrah slap ko ha kiwa boon ki bynta ka Tripura, Mizoram, Nagaland wa Manipur deilang waka la-ær wa rap joor.
Ha Meghalaya leh daw hiar slap uwa rap joor ha kylleiñ ka jylla nadooh myntu ka 14 tarik hadooh ka 18 tarik deilang wa u kdur wa u pyrthat ha ka 16 wa 17 tarik.
Da kyntu leh ya ki paidbah wow man kiwa syndong ha kini ki por wa ye u em i chlai um, i oor ki dieñ, ki chrot bordiñ wa kiwi de kiwa ye u booh hei maa ya ki bru.
