15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Hiar thma ki baar jylla ya ki dkhot ka KSU ha Ichamati, khlaad uwi

0 Comments
Advertisement ad1
Advertisement ad1
Advertisement ad1

Shillong: Ha i jia wa khlem poi pyrkhat ynne ka sngi, boon ngut ki dkhot ka Khasi Students’ Union (KSU) da mynsoo ki wei uwi uwa tip kam u Lurshai Hynniewta da khlaad noh u ha CHC Sohra, hadien wa chah hiar thma ki ha ki baar jylla ha ka chnong Ichamati, East Khasi Hills District.

Ynne ka sngi, ka KSU da lai ko wow pynman yaka yalang pyrchah CAA wei wow pynche hajrong i dawa pynkrehkaam yaka Inner Line Permit (ILP) hapoh ka jylla heiwa da emlang leh ki dkhot ka KSU na Shella, Sohra wa ki thaw wa marjan, wei da lai wow pynche leh ha katai ka yalang da u President Rangbah ka KSU, u Lambokstarwell Marngar.

Katkam ka yutip wa da yoh lum, hadien wa da wai katai ka yalang yong ka seiñ, ki baar jylla kiwa em boon bha da hiar thma syndet ki ya ki dkhot ka seiñ iwa da pynman ya ki dkhot ka KSU wow yakhun pyrchah markylliang, tangwa ki baar jylla da rah ki da tiar pynmynsoo wa kynthup da ki wait wa ki dieñ wow pynmynsoo ya kiwa boon ngut ki dkhot ka seiñ.

Da pyntip leh ha ini i jia, u President ka KSU leh da chah thombor u heipor wa dang baam ja u deilang wa kiwi ki dkhot tangwa da lait u na i mynsoo, da mynsoo leh u sordar ka Ichamati wa ki pulit kiwa em ha katai ka thaw kiwa yaleh wow pyn jai jai.

Ha ini i jia, boon tylli ki kari wa ki bus da chah tympra ki.

Share this:
Previous

Chah kem 17 ngut ha Shillong kiwa dai kiad tooh ha u Duyatra

Next

Khlaad noh u ma Kampher Swer