Kiwa yahkhmat ka Trinamool Congress ynne ka sngi da pynsñiaw ki yei sñiaw hun yei batai wa da e ka sorkar jylla hajrong i pynkrehkaam ya ka Roster System neibynta i bhah thung kaam ha ka jylla. Tangwa da ong ki wa daw yang ki ya ka rai wa khaddooh hadien wa ka sorkar da yoh ko wow ya phyllu wa waroh kiwi nadooh ki seiñbhalang, kiwa yahkhmat chnong wa kiwa yahkhmat niam.
U Vice President ka TMC, u George B Lyngdoh hawa klam hadien wa da wai ka yalang, da ong u wa ka TMC da e yumut ko wa toh u pynkrehkaam ya ka Roster deiwa kheiñ chakhmat katwa u Zenith M Sangma da ong u wa katkam wa pyntip ka sorkar, ka Roster System ym krehkaam ko ha ka bhah lai puræ puthi wei u krehkaam ko ha ka Reservation Policy.
Hajrong ini i yachem yong ki seiñ saiñ pyrthei, ka Congress da sñiaw yahaap ko yei pynkrehkaam ya ka Roster System hadien wa da yoh yei pynche ynne ka sngi ha ka yalang wa da khut ka sorkar MDA.
