15 49.0138 8.38624 1 0 4000 1 https://wyrta.com 300 0
Advertisement ad1

I chah kem O man i wa pynsakhiat wa tlot ki pulit : Sambormi

0 Comments
Advertisement ad1
Advertisement ad1

Jowai : U General Secretary ka EJNU u Sambormi Lyngdoh hadien wa chah kset patok u da palat 3 Bnai tam nadooh ka 09 Naiynñiaw 2016 wei da pyllait ya oo ha ka 24 Naichiphaw, ha ka khubor wa pynmih u da ong u wa i chahkem yong oo toh i tlot yong ki pulit.

Da kem ki pulit ya u Sambormi neidaw wa chah kynnoh u kam uwa yarap ya ka HNLC.

Neiliang u Sambormi da ong u wa ha ka miet wa kem ya oo da kemlang ya le ngut wa kynthup ya u tre thaw heipor wa dang lehkmen ka seiñ EJNC yei dap snem wa nyngkong ka seiñ. Ki pulit heipor wa wan ki da wan ki neidaw wa mih ki ujor na ki paidbah wa joor i pynheh sur ha kani ka thaw khawai dap snem.

Ki pulit heipor wa wan ki leh ym em phah pynkhian ki ya i sur wei da kem bait ki ya ki le ngut.

U Sambormi da pyntip chooh chooh u wa “lada u SP ka EJHD suba u nga emkti oo wa ka HNLC kam uwa yarap ya ki toh u khut u nga wow yachem oo wa oo yow pynche yeini suba u ya nga ymtoh u kem ya nga kam u bru wa damok. Ini pynyoo sakhiat yei tlot ki pulit u krehkaam.”

Da pynsñiaw u leh yei pyrchah yeini i leh ki pulit iwa phareb ya ki khynnah khynroo iwa ktah ya mynried yong ki.

“Iwa kongsan dooh wa kwah O u pynche paidbah wa nga ym em kti O hei yatoh wa kynnoh ki pulit ya nga wei da kyntu ya ki paidbah wa ki ym toh u ngait ki ya ini i thok” Pynkut u Sambormi.

Advertisement ad1

0 Comments

Leave a Reply