Ka Hynniewtrep Integrated Territorial Organization (HITO) Environment Protection Cell da lai pait ko ya ka Wah Myntdu wei da chem sakhiat wa ka um na kani ka wah kawa da pynpoi cha ki thlu yung hapoh ka chnong Jowai da kylla rong wei da jakhlia neidaw i kreh khlem booh kyndon ya kiwa pynkreh ya uni u sarok nadooh na Khliehtyrchi chadooh cha Treiongriang iwa da leh da ka Dhar Construction Company.
Ka seiñ da ong ko wa ini i kylla rong ka um wa i jakhlia kani ka wah toh nei pynkreh ya uni u sarok wei nei noh khyndaw cha ka wah khlem da ye wow khang yeini.
Neiliang ka seiñ da booh yukylli ko leh ya ka sorkar wa cheiwon wiar kitæ ki Expert ki Consultant kiwa ka sorkar da thung yow pait ya kam kini ki kaam wei ka seiñ da kylli ko leh wa cheiwon wiar ka NGT ha kam ini i kaam wa ktah yei chait i khiah kiwa chong chnong ka Jowai wei neiliang ka seiñ da ong ko leh wa lada ki bor wa toh u pait yeini ym chimkhia ki yeini i kaam, ka seiñ daw chim ko da ka luti wa khor.
Ka seiñ da phylla ko leh wa kammon hawa ka PHE da dep ko wow pynbna wa ka Umngot Water Supply toh kawa da pynkrehkaam tangwa dang chaniah biat na ka Wah Myntdu.
Chooh chooh da ong leh wa da dep wow khang da ka NGT wow chna iyi iyi ha rood ka Wah Myntdu tangwa kat u yoo da chna pathan da uni u sarok Bypass u wym tip lada dep yoh bor namo ym em na ka Ministry of Environment and Forest wa na ka Meghalaya State Pollution Control Board wei ini ye u man wa em iyi ræ iyi cha kylla hawa pynkreh khlem ki kyndon, pynkut ka kyrwoh na ka seiñ.
Discussion about this post