Ka Expert Committee on the State Reservation Policy ynne da pynman ko yei pynsñiaw paidbah namo ka Public Hearing ha Conference Hall ka Divisional Soil & Water Conservation Office, Jowai.
Ha kani ka pynsñiaw paidbah, ka Synjuk Waheh Chnong Ri Jaiñtia (SWCRJ) kawa man ka dkhot hapoh ka satri ka Jaiñtia Coordination Committee for Reservation Policy (JCCRP) da mihkhmat ko ha kani ka pynsñiaw paidbah.
Ya ka SWCRJ da yahkhmat da u President yong ka, u Army Lipon uwa da e khublei u ya ka sorkar kawa da thung ya ka Expert Committee wow pyrkhat pynthymme ya i rukom yoh kreh wa i lai puræ.
Da ong u wa i pyrkhat wa ka thong ka synjuk wa ka JCCRP man ko i jooh neibhah wa da yoo yei sahdien ka Ri-loom Jaiñtia khamtam nadooh wa khang ya u mooyong na u 2014 wei ini da ktah i yei yoh kreh ki Jaiñtia.
Chooh chooh da ong u wa lada paan 20-25% neibynta ki Jaiñtia boi ka wym ye ki wow pdiang kamtæ da rai wow paan 80% ya waroh le jaitbru ki Khasi, Jaiñtia wa Garo khnang wow em i mynsien yakhun (Competitiveness) wei wow lait u em i sñiaw yaphær jaitbru hapoh ka jylla Meghalaya.
Heijooh i por da ngaitskem wow pdiang yeini iwa paan wei pynkylla ya ka Reservation Policy neibynta i bha yong waroh lang.
Discussion about this post