U President ka United Democratic Party (UDP), u Metbah Lyngdoh da kyntait u wa ka UDP da dawa hiar chuki ko ya u James PK Sangma na ka chnat Bordiñ, heiwa da ong u wa ka chithi wa da phah da u General Secretary ka UDP, u Dr. Jemino Mawthoh cha u Montri Rangbah ka jylla toh wow pynsñiaw yei sñiaw samen yong oo.
Hawa klam ynne ka sngi hadien wa da wan u na nongbah Delhi, u Metbah da ong u wa ha ka Party ki dkhot ye ki wow pynsñiaw yei sñiaw samen wei ymye wow khang yeini ha ka synchaar paidbah, da pynrap u wa ymtip iwon iwon hajrong kani ka chithi wa da phah u General Secretary ka Party neibhah wa em u cha baar ka jylla.
U heh ka UDP da ong u wa daw khut ya ka yalang wa jhan yong ka Party wow pynbait ya i sñiawthooh bakla deiwa ong wa i eh i khoo ha ka chnat bordiñ ktah i ym du ya ka Party tangwa ya ka jylla hi leh waroh kawi.
Hawa kylli, da ong u wa i dawa u Jemino ymtoh i dawa ka UDP, hanlada phah u da ka chithi wa em ya ka chaap (Letter Head) ka Party, tangwa kam u President won ym em soi u ya ka chithi wa da phah cha u Montri Rangbah.
