I-Day Cup U-17: Jop ka Sailung, 7 Wasa waka Lumpariat

Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa phra deiwa pynman biang soo tylli ki yalehke.

Ha ka yalehke wa nyngkong, ka Sailung Ialong da jop ko ya ka Nangbah Mulang da 2-0 lyngba ki kool wa thap u Prosperly Dhar haka minit wa 5 wa u Saxmi Brawan Pale haka minit wa 15.

Ha yalehke wa ar, ka 7 Wasa FC da jop ko ya ka Lumpyrtuh Mihmyntdu da 4-0. Ya kini ki kool da thap da u Dawansalan Malang haka minit wa 8, u Sambha Ryngkhlem haka minit wa 14, u Rangkynsai Mukhim haka minit wa 29 wa u Daiabaitki Langshiang haka minit wa 60+1.

Related posts

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Rah ka DERS FT yei naam Champion ka 4th Umsyngki Tournament ha Bataw deilang ka song poisa Rs.2 lak

February 16, 2026

Ha ka yalehke wa le hapyrdi ka Caroline waka Mukhla Raij da kut ko da 1-1. Ya ka Caroline da thap da u Kamai Da O Paslein ha ka minit wa 33 katwa ya ka Mukhla Raij da thap da u Wansalan Sari haka minit wa 42.

Ha ka yalehke wa soo, ka Lumpariat da jop ko ya ka Lion Sports & Youth Affairs da 2-0 lyngba ki kool wa thap u Samedonhi Sukhlain ha ka minit wa 43 wa u Phahmonmi Rupai haka minit wa 45.