Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa le da soo tylli ki yalehke.
Ha ka yalehke wa nyngkong, ka Saindur Mihmyntdu da jop ko ya ka Chutwakhu da 1-0 lyngba ka kool wa thap u Rowan Phawa ha ka minit wa 46.
Ha ka yalehke wa ar, ka Mulang Ialong da jop ko ya ka Lion Sports & Youth Affairs da 4-0.
Ya ki kool ka Mulang Ialong da thap da u Riyowanmiki Susngi (OG) ha ka minit wa 10, u Chalet Phawa ha ka minit wa 33 wa 40 wa u Samitlang Pale ha ka minit wa 48.
Ka yalehke wa le da pynman hapyrdi ka Dulong wa ka Nangbah Mulang ha ka minit wa 2-0. Ya ki kool da thap da u Wankibha Pohthmi ha ka minit wa 9 wa u Sahame Lyngdoh ha ka minit wa 28.
Ha ka yalehke wa soo won, ka 7Wasa da jop ko ya ka Khimusniang da 4-0 da ki kool wa thap u Sambha Ryngkhlem ha ka minit wa 9 wa 50, u Rangkynsai Mukhim ha ka minit wa 10 wa u Ram Lakhi ha ka minit wa 53.
