Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa 21 deiwa pyndep syndon ya ki yakhun Semi Final.
Ha ka Semi Final wa nyngkong ka Luti Tuber Ialong da jop ko ya ka Lumpariat da 3-2.
Ya ka kool nyngkong da thap da ka Lumpariat ha ka minit wa 5 lynbga u Damehi Dkhar tangwa ka Luti Tuber da su kylla pyn ha ka minit wa 9 lyngba u Shwaki Dhar wei da pyntam chi kool da u Bishar Lhuid ha ka minit wa 10.
Ha ka kylla miet ka Lumpariat da pynryngkat biang ko deiwa thap u Emanbha Dkhar ha ka minit wa 42 tangwa ka Luti Tuber da pynjop ya ka da u Ritre Lyngdoh uwa da thap kool ha ka minit wa 48.
Ha ka Semi Final wa ar, ka Sailung Ialong da jop ko ya ka Mookyrdup da 1-0 lyngba ka kool wa thap u Samely Mulieh ha ka minit wa 49.
Kamtæ ya ka Final daw pyndep ha kani ka 15 tarik heipor 1:00 waje i sngi ha Kiang Nangbah Stadium.
