Jowai : Ha ka yalang Dorbar Elaka ka elaka Jowai kawa da man ha ka 5 tarik uni u bnai da rai wow pynthymme noh ya ka bai bichar ka yung bichar ka elaka næ ka Village Court.
Da chim ya ka rai wow pynku ya ka bai yung bichar hadien wa da pyrkhat wa da khian ware i dor lada wyrchaw wa ka juk kawa katni.
Ki dor thymme man ki – Ka bai Mukotduma u man ko T. 1000; kiwa chah e mukotduma pyrchah T. 1000; ka bai muktiar (pleader wa da dep LLB) T. 2000; ka bai li sylli næ wow lai pait thaw iwa yatoh wa ka mukotduma T. 1000 chilliang wa ka bai paan por u man ko T. 1000.
Ya kani ka dor thymme daw phah cha ka JHADC weiwa neitæ daw phah ya ka cha ka DCA næ ka District Council Affairs ka sorkar jylla ka wow pdiang næ kyntait ya kani ka dor thymme.
Discussion about this post