Kam chibynta ka Press Tour ki Journalist kiwa na Shillong wa pynman da ka Directorate of Information and Public Relations (DIPR), da lai hiar cha North Garo Hills District ynnin ka sngi wa kynthup ya ka Mendipathar Railway Station kawa man leh ka Railway Station wa nyngkong dooh ha Meghalaya.
Neiliang ka Deputy Commissioner ka North Garo Hills District, ka M.S.N. Marak da khana ko hadooh katwon yoh myntoi ki piadbah deiwa em ka luti rel khamtam kiwa rep heiwa da suk ki wow pynlai yaaw ya ki mar rep ki cha baar ka jylla.
Da ong ko leh wa kini ki mar kiwa dang dep khait da ye wow pynpoi smat ki cha Guwahati deiwa ye kiwa rep wow liwan leh ha ka jooh hi ki sngi hadien wa dep dai wei ini da pyduna bha ko yei bai lai bai wan kamjooh ka bai kit.
Da ong ko leh wa kini ki mar rep kiwa man ki Organic Vegetables toh kiwa lai yaaw bha ha Guwahati heiwa kiwa rep da yoh myntoi bha ki najrong wa duna i lutsan ka bai lai bai wan deiwa kit da ka rel kamjooh leh hawa wanrah ki mar chapoh ka District.
Ka DC da ong ko wa najrong ki mar rep, da pynemkaam leh ya ka Mendipathar Railway Station yow phah mar cha kiwi ki sorbah kam ka Kolkata wa Delhi kamjooh wow wanrah ki mar na kiwa boon ki sor.
Da pyntip ko leh wa ya kani ka Railway Station daw pynheh chooh chooh ka wei da yooluti wa daw pynchlur ko ya kiwa kwah u sdang ya ki karkhana ha North Garo Hills.
Discussion about this post