Ki pulit ka Meghalaya ynnin ka sngi da yoh ki wow kem drug Heroin wa chongdor palat T. 5 klur ha Byrnihat wa ha Shillong.
Ynnin ka sngi uwi uwa dai drug Heroin da yoh kem ya oo da ki pulit na Jingkieng Nongthymmai, Shillong.
Na uni da yoh ya i Heroin wa khia 217.19 gram iwa chongdor T. 1 klur kiwa song ha ki 16 tylli ki tadong sabon deilang waka poisa kawa T. 3.31 lak wei da kem leh ya kawi ka Scooty kawa em Number ML-05Q- 8300 wa kawi ka Mobile Phone hadien wa lai kynreh da ki pulit ANTF ka East Khasi Hills.
Ki pulit ka Ri-Bhoi won da yoh ki wow kem yei drug Heroin wa chongdor T. 4.8 klur kiwa song hapoh 74 yulli ki tadong sabon na kawi ka kari wa em ya u Number ML-05S-9485 kawa wan na Manipur yow lai cha Shillong heiwa da yoh wow ksoh ya ka ha Byrnihat.
Heiyatoh wa ini da yoh wow kem ya u Simtekhan Tluanga uwa na Manipur.
Ya uni da yoh wow kem hadien wa da tip tikna ki pulit wa daw wanrah u ya ini i drug cha Shillong heiwa ki pulit da yang ki ya oo waroh chi sngi.
