15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

I kam wa nei tih Uranium daw wan i roi i paar toh iwa bakla dooh: HYC

Advertisement ad1
Advertisement ad1
Advertisement ad1

Ha kini ki sngi da yoo wa em kiwa mihkhmat namo ki Politician kiwa pyrkhat wei klam wa lada tih Uranium daw wan i roi i paar wei ini i klam toh iwa bakla na iwa bakla dooh, da ong ka HYC wei ini pynyoo i yei lung i pyrkhat wei iwa khlem sñiawthooh bha iyi yatoh i tih Uranium wa i roi i paar (Development).

Ka seiñ da ong ko wa i em ki yung paki dulan wa ki sarok wa bha toh i em i chna i tei (Infrastructure) wei ym ye u ong wa ini toh i roi i paar wei wa u moomær yong i roi i paar toh u thaw kammon myntoi ki bru na ini i tei.

Ka seiñ da ong ko leh wa i em ki yung paki dulan khlem em bru won wa sah ha ki yeitæ ymye u ong wa toh i roi i paar tangwa man ki du ki yung thylli wei da e nongmuna ko leh ya ki Hotel kiwa pynlai ya ki kaam sang wei ya kini ymye u ong i roi i paar tangwa ki skur wa ki thaw sumaar ye u ong ya ki kam i roi i paar neibhah wa yoh myntoi ki paidbah na ki.

“Manda tih ya uni u mar, nyngkong dooh daw chah beh ki bru wa chong chnong hajan i thaw wa tih ya oo i wow bood sa i yut chnong,” da ong ka seiñ wei i tih ya oo ha ki thaaiñ Mawthabah wa Nongbah Jynrin næ thaaiñ Phlangdiloin waroh ki bru daw yut chnong ki ya iwa tip leh kam i Displacement wei lada chna ya ki sarok wa ki yung wa heh, u myntoi du ya ka UCIL wa ki wakreh yong ka ym ya ki paidbah Khasi na ka thaaiñ South West Khasi Hills.

Khaddooh ka seiñ da ong ko wa kam ki tre District daw yoh du ya ka la’ær bih (Radiation), i kjut i chitom iwa ymye de u pynchait, ki um khlem dakha, i khyndaw wym mih soh, ka ri kawa langam khlem em bru wa chong wei ka pateiñ ymtip de iyi wow jia ya ka, deiwa pynkut lada ini mo itæ i roi i paar?

Kani man ko katkam ka Wyrta na u Arbok Kharjahrin, President HYC, South West Khasi Hills District.

Share this:
Previous

Beiñ wei dawa kem ka seiñ kur Swer Langstang Suiam Jaiñtia ya kiwa pynyap yaka khon ka kur

Next

Thoh ki ar seiñ cha u SP ka East Jaiñtia wow chimkhia u kem ya kiwa pynyap ya ka khynnah skur