I khang yei lai ki kari wa jrong na yingkieñ Umiam toh yow lait nei maa | Da pynkhreh ya u sarok 4-Lane cha Shillong

U Symbood Montri Rangbah ka jylla uwa pait ya ka chnat PWD, u Prestone Tynsong da ong u wa i booh pood yei jrong ki kari kiwa hapoh 2.8 metre kiwa chah wow lai na yingkieñ Umiam toh yow yada na iwon iwon i maa kam ki Night Super Bus kiwa palat 9 Ton i khia.

Hawa jubab hajrong iwa kylli u MLA ka Amlarem, u Lahkmen Rymbui hapoh ka yung dorbar yei khang wow lai ki kari wa heh na yingkieñ Umiam, u Prestone da ong u wa ka sorkar da khang ko ya ki kari wa khia palat 9 Ton wa kiwa jrong palat 2.8 metre wow lai ki na kani ka yingkieñ wow yada nei chah ktah ko.

Heijooh i por da ong u wa ka DPR wow chna sarok Four Lane na Umiam cha Shillong dang pynkhreh ka NHIDCL, khnang wow lait noh yei lai ki kari na yingkieñ Umiam.

U Prestone da pdiang u wa i wym ye ki kari heh wow lai kiwa kit ki marbaam yow pynpoi cha Shillong na yingkieñ Umiam da ktah ko yei dor i mur yong ki mar ki mata.

Related posts

Chah dat pynmynsoo ki Khasi wa sah ha Kalakhal ha ki Mia Muslim ka Cachar District ka Assam | Maham ki leh wow slaitbor ya ki khynnah kynthai

August 17, 2025

Da pynkup bor ya kiwa ksohkaam thymme PPC wa KBB wa haap hapoh ka Namdong Parish

August 17, 2025

Kamtæ da ong u wa na ini i daw ka sorkar da jan dep ko wow chna ya ka sarok VIP kawa 23 Km kawa pynyabi ya ka Umroi Airport cha Mawlai, wei chisien wa dadep chna ya uni u sarok daw ye u lai ki kari wa heh cha Shillong.

Da em leh u sarok na Mawdiangdiang cha Shillong hanla man u uwa rap jngai kajiak wow poi cha sor.