15 49.0138 8.38624 1 0 4000 1 https://wyrta.com 300 0

I khut yachem wow yaklam hajrong ka CAB toh du wow pyndep rukom: Samuel Jyrwa

1 Comment
Advertisement ad1

Shillong: Hawa yaklam wa u Chairman ka NESO hajrong ka CAB kawa daw wanrah hapoh ka Parliament yow pynman aiñ noh yaka, u Samuel Jyrwa da ong u wa ki seiñbhalang hapoh ka NESO nadooh wa nyngkong ym hun ki ya i leh ka sorkar India hajrong ka CAB neibhah da chynna che yei maa wa yang lada pynkrehkaam ya kani ka aiñ.

U Samuel da ong u wa ka NESO ym pdiang lada man kammon kammon leh ya ini i leh embor yong ka sorkar India pyrchah ya ki khian paaid haka thaaiñ mihsngi wei ha kini ki sngi daw yachem smat yow chim ka rai wa kammon wow pyrchah ya ini i thombor ka sorkar India.

Advertisement ad1

Da kyntait u leh yei kam yong u Amit Shah wow pyllait ya kani ka aiñ na ki jylla wa em ka ILP wa ki thaw hapoh ka Sixth Schedule. Da ong u wa ka jylla Meghalaya da em ko ha ka Sixth Schedule nadooh u snem 1952, tangwa da yoo yei roi kiwa na baar wei da ki phaw snem ka jylla da hap ko wow yaksaid wow khih yaleh pyrchah ya ini i psiah ki baar jylla.

Da ong chooh chooh u wa i khut yong ka sorkar India ha ka 30 tarik u bnai wa dep ya ki seiñ waphær waphær wow yaklam wow ap ya i sñiaw hajrong ka CAB toh du wow pyndep rukom wow pynyoo cha ka pyrthai neibhah da dep rai chwa iyi wow leh.

Advertisement ad1

1 Comment

  • December 5, 2019 at 5:34 am
    Barris M

    According to the pyramid theory of the illuminati, regional leaders are at the lowest level of the system.. 👽

    Reply

Leave a Reply