I kwah su tulop ka sorkar ya ki District Council man ko kamwa wai ya ka synduk wa kset ya kiwa boon ki jait kjut: Mukul

Uwa yahkhmat ka liang pyrchah, u Dr. Mukul Sangma da kam u wa i rai ka sorkar wow su tulop ya kiwa kreh ki le tylli ki Autonomous District Council (ADC) ha ka jylla, da man ko kamwa wai ya Pandora’s Box kawa man ka synduk wa kset ya ki jait kjut wa boon jait.

Hawa klam ynne ka sngi, u Dr. Mukul da ong u wa i rai ka sorkar jylla toh iwa tyngkheiñ ya ka riti synchaar ka ri neibhah wa ki District Council toh kiwa laitlooid katkam i bor wa da pynkup bor ka riti synchaar ka ri.

Da ong u wa kwah wow sñiawthooh wa lada ka sorkar mut ko wow su tulop deiwa kynthup waroh katkam i emkaam kiwa kreh næ mut ko wow e da ka Grant cha ki District Council yow su tulop.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Da ong u leh wa nachwa ka sorkar jylla da knieh ko ya ki LP School na ki District Council.

Kam wow pynkynmoo wa ka sorkar da tyrwa ko cha ki District Council wow su noh ya ka tulop kiwa kreh ki nadooh u Khonchonglad (Nov) tangwa da ong wa ini ymtoh iwa dei pynbor wei ym tuklar ko yei krehkaam wei man laitlooid ki Autonomous District Council.