Jop ka Mookymphad Mihmyntdu, ka Umchangiar wa ka Riatsaliya Mihmyntdu ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da le tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Mookymphad Mihmyntdu da jop ko ya ka Catholic Youth Mihmyntdu da 2-0 lyngba ki kool wa thap u Jerry Dhar ha ka minit wa 26 wa u Humbertson Rymbai ha ka minit wa 69.

Ha ka yalehke wa ar, ka Umchangiar SC da jop ko ya ka Loompyrdi Iongpiah SC da 1-0 da ka kool wa thap da u Monlang Sutnga ha ka minit wa 5.

Related posts

Rah ka Kur Nongtdu (Pyllun) ya ka 10th Open To All Knockout Football Tournament Fixed Prize Money 2026

July 13, 2026

Psiah Semi ka 12 Daloi ha ka Veterans Football Knockout Tournament ha Wahiajer

July 11, 2026

Ha ka yalehke wa le, ka Riatsaliya Mihmytdu da jop ko ya ka Lumkhangdong Kyndongtuber da 1-0 lyngba ka kool wa thap u Jeremy Shylla ha ka minit wa 15.

Ka yalehke ka 2^nd Division da kut ko da 0-0 hapyrdi ka Chilliangraij SC wa ka Khliehmyntang Ialong.