15 49.0138 8.38624 1 0 4000 1 https://wyrta.com 300 0

I kyntu ka MPSCB heiyatoh wa ka lehniam Durga Puja wow yada ya ka rymaw

0 Comments

Jowai: Ka Meghalaya State Pollution Control Board (MSPCB) da pynknmoo ko wa katkam ka hukum ka NGT, Eastern Zone Bench, Kolkata ha ka 06-10-2017 da khang wow chna ya ki dur blai deiwa pynemkaam ya ki Plaster of Paris wa ki rong wa tip kam ki Synthetic Colours kiwa daw ktah ya ka um ka wah wei emkaam ka lehkmen Puja kawa man ka wym ktah ya ka rymaw.

Ya ki dur blai toh u chna da ki khyndaw, u kse hon, ki chken ki siej, ki snieh snikor wa kiwi kiwi ki wym ktah ya ka rymaw.

Ya ki dhup toh u pynemkaam da kiwa kylleiñ da ki kti bru wei wow pynriam da ki syntu, ki sla, ki khoo ki chyrmit kiwa pynmih ka rymaw wei heipor wa thaw pachor toh u ah du ki chnat wei ym toh u ah waroh uwi u dieñ pachor wei wow pynemkaam leh ya ki tadong wa chna na ki snieh kwai wow booh ya ki tiar leh niam heithaw ki tadong Plastic.

Toh u pynemkaam leh da ki CFL wa ki LED heithaw ki bulb yongrim namo Incandescent wei ye u thang da ki charak yow pynriam yung heithaw wow pynemkaam da ki khrik khrak.

Toh u pynduna yeiwa tem sur wei ym hoi pynheh ya ki sur yow lait ki paidbah u wit kamjooh wow dam chisien wa da poi i por 10 waje i miet wei wow dam leh u thang ya ki bomkala.

Hadien wa da dep noh ya ki blai toh u pynlang ya ki yow lait ki u pyntngit ya ki um ki wah.

0 Comments

Leave a Reply