Ka Dorbar Chnong Saphai Pyllun, West Jaiñtia Hills da booh ko i kyrpaad ya ki paidbah wa wan baam-doh sñiawbha hapoh u pood ka chnong khamtam harood ka Wah Kupli.
Da kyntu ya ki paidbah wow man ki kiwa lehkhooid heipor wa wan ki chapoh u pood ka chnong.
Ya ini da leh kam chibynta wow wanrah ya i khooid i jngiar wei wow yada ya ka Wah Kupli.
Heijooh i por da maham leh wa lada chem ya kiwon kiwon kiwa leh pyrchah ya ki kyndon wei kiwa leh khlem-akor daw pynchitom ya ki katkam ki aiñ ka chnong.
Da maham joor leh ya kiwa wan na baar yong ka chnong wa emkaam u mih ki na ki thaw wa haap hapoh u pood ka chnong hapoh 5:30 i janmiet.
Kani ka rai da man ko kawa krehkaam nadooh wa mih kani ka Wyrta.
