I kyrni dih ya ki mar pynmuaid toh iwa ye u sumaar: Dr. S. Syiem

Jowai: Ka International Day Against Substance Abuse & Illicit Trafficking wa pynman ynne da ka SANKER Shillong ha District Library, Jowai kawa kyrchaan poisa da ka District Administration, ka District Social Welfare wa ka Officer’s Club, West Jaiñtia da rap man ko kawa phær heiwa da wan emlang ki bru wa da ye u dam dih drugs hadooh 3,000 sngi tam hadooh u khynnah wa dang 6 snem kiwa da yoh sikai yei ma i dih drugs wa kiwi ki jait wa pynmuaid.

Hei step heipor 11 waje da yabhah ya kiwa wan cha kani ka yalang ha ki ar bynta, ki khynnah puræ wa ki manbei manpa, ki doctor, kiwa sikai wa kiwi yow pynsñiawthooh ya ki chaphang i kyrni dih drugs wa i kiad wei yow phyllu yumut wa kammon ka imlang sahlang, ki niam wa ki thaw puræ ye ki u yarap yow khanglaad nadooh wa sdang u yait ya ka kiad ka drugs kamjooh wow yarap ya kiwa dang sdang.

U Dr. S. Syiem, Director SANKER Mawroh Shillong hei klam yong oo da ong u wa ki jait pynmuaid ktah ko yei bynta i jabieñ wa pynmuja yei pyrkhat pyrdaiñ wei manda pyrchang u ieh ya ki jait dih i jabieñ won ym elaad i wei kamjooh ktah ko ya ki ha kiwa boon i bynta i doh i pran wei em ki por ymye de u pynchait ya kini ki bynta.

Hanlada kattæ leh yei kyrni hi dang ye u ieh wei deiwa dih dawai tista kamjooh yei raikut wa skem, ye hi u ieh ya i kyrni.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U kongsan ha kani ka sngi u R. Muthu, SP ka WJH da ong u wa emkaam u ap yeiwa klam ki khon ki kti wei wow e por ya ki u yachong ya klam yei eh wa chem ki wei lada ym leh kamni lada chem bakla ki da kiwa dih drugs dih kiad wa ap yei klam yong ki, ki leh daw bood ki ya ka luti kiwa dih drugs.

Ha kani ka sngi leh da chim ya ka rai yow pynchlur ya ki manyung mansem wow pynlut por ki wa ki khon ki kti yong ki, ha ka imlang sahlang won ymtoh u chim ya ka aiñ ha ki kti yong ki deiwa pynchitom ya kiwa dih drugs, kiwa pait ya ki niam yow smat ki u leh yeiwa emkaam lada suba wa em wa dih drugs, katwa ha ki thaw puræ won wow ap ki yeiwa emkaam yarap ya ki khynnah wei ymtoh u pynchitom ya ki.

Ha kani ka sngi da saam khusnaam leh cha kiwa dih drugs kiwa da ye u dam 500 sngi, 1,000 sngi, 1,500 sngi hadooh 3,000 sngi tam. Da saam leh ya ki khusnaam ha ki yakop dro, yakop rwai waka yaleh droma wa tbian.