I kyrpaad na ka Synjuk Waheh Chnong Jowai cha kitu kiwa pynman Online Housie

Ka Synjuk Waheh Chnong Jowai, ha ka yalang wa dang dep chong wot ko, da rai wow phah Wyrta heiyatoh wa i ktah ki Online Housie heipor wa pynman Fete ki dorbar chnong hapoh ka chnong Jowai.

Ka Synjuk Waheh Chnong Jowai da ong ko wym toh wa pyrchah ya iwon iwon i khih i kamai kiwa chong chnong hapoh ka chnong ka thaw. Heini da booh donhi i kyrpaad yow ya krehlang yong waroh kiwa pynman ya ki Online Housie wow sñiawbha ki u ya krehlang wa ki dorbar chnong deiwa pynyaphær por næ pyndam yei pynman ha ki sngi wa em ki Fete hapoh ka chnong Jowai.

Katkam wa chem wei wa e Report ki dorbar chnong, heipor wa em ka Online Housie, lada em ki Housie Fete, chynna bait wa ktah ko, neibhah wa yabeh ki lok wa ka-it ya katai hi ka wa jem i dor wei wa suk u leh na yung. Katwa ki yong dorbar chnong ym ye u pynkhiandor ya ki Ticket neibhah wa da pynman neibynta i myntoi ka chnong.

Kamtæ da kyrpaad neiliang ki dorbar chnong donhi kiwa pynman Fete, khlem da kdaw ya kiwi tawon ki seiñ næ ki samen bru wa pynman wow sñiawbha u ya krehlang neibynta i bha ha waroh ki liang.

Ki tarik wa daw pynman Fete ki dorbar chnong ha Jowai man ki kamni:

1. Mynthong- 04th Oct 2024

2. Tpep Pale-10th & 11th Oct. 2024

3. Chutwakhu-17th & 18th Oct 2024

4. Lion Mission Compound- 24th & 25th Oct 2024

5. Khimusniang- 31st Oct & 1st Nov 2024

6. Ladthadlaboh- 7th & 8th Nov 2024

7. Dongmihsngi- 3th & 4th Dec 2024