Ka JHADC ynne da chong ko ya ka Dorbar Kyrpang namo ka Special Session heiyatoh wa i tih mooyong heiwa da pdiang leh ya ka Resolution wow kyrpaad na ka President ka ri wow pynkylla ya ki aiñ tih mooyong ha Ri-loom Jaiñtia.
Hadien ka dorbar neiliang u CEM ka JHADC, u Thombor Shiwat da ong u wow pynman ya ka dorbar emkaam u soi pyrtuid da ym duna ya 20 ngut ki MDC ka Council.
Da khana u wa ha ka dorbar da wanrah ya ka Resolution wow kyrpaad ya ka sorkar India wow pynkylla ya ki kattu katni ki bynta ki aiñ tih mooyong ha ki thaw Sixth Schedule khnang wow ye u tih ya u mooyong kamwa jooh leh nachwa.
Chooh chooh da ong u wa ka District Council em ko i bor wa i hok neibhah wa ka man ko ka tre heiyatoh wa ki khyndaw ki chyiap wei lada paan yeini wow tih mooyong, ka sorkar India leh ye ko u chah næ pynlait hapoh u pood ka Council.
U Thombor da ong u wa ini ym mut i du wow myntoi ki paidbah tangwa wot ya ka Council leh neibhah nadooh wa khang yei tih mooyong da sakhi yei chitom poisa ka Council kamtæ ki MDC waroh da pdiang ki ya kani ka Resolution.
Discussion about this post