I kyrsu kyntu ka sorkar ya ki manbei manpa wa ki khynnah wa lai puræ cha baar

Khnang wow wanrah yei chngaaiñ ha ki khynnah wa puræ cha baar jylla wei kiwa sah ha hostel najngai na yung, ka sorkar Meghalaya da kyntu ko ya ki manbei manpa wow bood ya i kyrsu kyntu chwa wow phah khon cha baar.

I kyrsu kyntu ya ki manei manpa man i kamni hawah:

1. Wow thooh ya ki thaw puræ wa ki hostel wa da tipmit da ka sorkar wei kiwa ym em i wit i thut nadooh nachwa wei kiwa bood ya ki kyndon i chngaaiñ.

2. Pyntikna wa ki thaw puræ wa ki Hostel toh kiwa man katkam ka aiñ, kiwa da register wei tipmit da ki sorkar jylla wei wow yait na kiwa ym tipmit.

Related posts

Takor u Saleng ya ka CM Guidebook wa pynpass ya ki khynnah wa khlem lai skur

April 15, 2025

Hadien 3 snem jop i dawa ka JYF wow yoh Government HSS hapoh EJH

April 15, 2025

3. Pyntikna wa ki hostel man kiwa chngaaiñ kiwa miat ki thaw chong thaw sah, kiwa biang ki bor yada, i sumaar, kiwa kreh leh u man kiwa biang chwa wow phah ya ki khon.

4. Thooh bniah yei man i long ki thaw, kylli takit yei man ki nachwa kamjooh leh wow yaklam ya ki khynnah wa puræ katni wa kamjooh wa kiwa hayung yong ki.

5. Emkaam u yaklam langær wa ki khon khamtam wow kylli yei rukom sah, i bha i miat yong ki kamjooh lada em iwon iwon i thut i wit ki.

6. Ujor lada em iwon iwon iwa pynsuba yeiwa jia ha hostel, pyntip cha ki bor sorkar yong kitu ki thaw khamtam ka chnat puræ puthi wa ki bor pulit.

7. E ha ki khon ya ki number phone lada jia wa emkaam jhan kam ki bor sorkar ha kitu ki thaw, kiwa hayung wa ki lok ki jor khamtam ki bru wa chaniah kiwa ye wow e yarap lada emkaam.

8. Lai pait ya ki Hostel wei wow pyntikna wa man kiwa chngaaiñ wei kiwa khooid. 

I kyntu ya ki khynnah:

1. Man kiwa sñiaw laitlooid wow khana yeiwa chem, næ em iwon iwon i wit i thut khana ha ki bei ki pa khnang wow ye ki u e yarap. 

2. Tip yei hok yong ki khynnah wa ki Hostel sñiawthooh wa emkaam u tip yeitæ khnang wow tip lada em kiwa leh pyrchah ya ki.

3. Booh ya ki Phone Number ki bru wa emkaam, kam u Helpline ka sorkar Meghalaya, ki bor District wa bor pulit yong ki thaw kiwa em phi, ki thaw sumaar wa ki bru wa da chaniah da kiwa hayung hasem.

Ye leh u phone ha ki Helpline Number wa kynthup ya kini hawah:

1. National Childline – 1098

2. CM Connect Toll-Free 18003456851