Jowai: Ha ka 25 tarik u bnai wa da dep ki waheh wa ki khynroo ka chnong Dkhiah West wa em kamwa 24 ngut ar ngut na Khliehriat East da lai kjat (trekking) ki na chnong Dkhiah West hadooh Iawmusiang Jowai.
Ka luti wa da lai toh ka luti yong rim yong jah wajooh lai luti næ lai yaaw ki waheh wasian yong i heipor warim. Ya kani ka trekking da yah luti da ki waheh kiwa da batai leh chaphang i lai kjat u warim wa jah.
Ki waheh kam u Jiren Swer, Muni Swer, Kidras Sympli na Dkhiah West da man ki kam kiwa yah luti wow bood ya ka lai kjat ki bru wa rim wei da sdang nadooh Laad Pohchnong Dkhiah West wei da lai lyngba ka Moowakhu, Sahdakha, Krem Murong, Jalyiah Pamra, Lad Sohkympoh, Takhniang (Tuber) ter ter.
Kiwa lai kjat dang chem ki ya ki dieñkti dieñkjat ki waheh yong i wei da yoh ki leh chiboon ki yutip iwa da pynum yei mynsien yong ki wei da ong ki leh wa da toh u pynneh pynsah ya ini waroh.
I lai kjat da poi ki haddoh ka rood wah ka Myntdu haddoh wa poi ha u mot Kiang Nangbah ha Syntu Ksiar wei da pteiñ biang dei kjat hadooh wa poi Iawmusiang.
Ki walai kjat ong ki wa i lai kjat ym toh yow yut na iwa jia man ka sngi, man i wow pynkynmoo ya ki wa ym toh u mylliñ ki u im man ka sngi.
Kani toh katkam wa da phah da u Dr. Ryngkat Phawa na Dkhiah West uwa sdang ya ka Enthusiastic Trekkers, EJHD.
Discussion about this post