15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pyntam biang ki kynthai ya ki chynrang sa ha ka HSSLC

0 Comments
Advertisement ad1

Jowai : Ka Exam Higher Secondary School Leaving Certificate (HSSLC) namo ka Exam Class XII da sdang ya ka ynne ka sngi ha kylleiñ ka jylla wei da man ko ka wa lai bait heiwa hapoh ri-loom Jaiñtia da wan waroh 4037 ngut ki khynnah kiwa yaleh ya kani ka exam.

Hapoh ka West Jaiñtia Hills District da em 7 tylli ki thaw thoh exam ya ki khynnah wa 2 tylli ya kiwa sikai ki wym pu pyndep ya ka HSSLC kiwa haap pyndep ki katkam ki kyndon ka sorkar. Waroh da poi kiwa wan yaleh exam 3179.

Waroh kiwa yaleh ya ka HSSLC (Arts) da em ki 2662 heiwa 971 ngut toh ki chynrang katwa 1691 ngut toh ki kynthai.

Ha ka Science won da em 184 ngut ki chynrang wa 192 ngut ki kynthai waroh da poi 376 ngut.

Kiwa yaleh ya ka Commerce won da em ki 98 ngut ki chynrang katwa ki kynthai won da em 43 ngut waroh da poi 141.

Ha ki thaw thoh exam wa em ha Jowai, ha Kiang Nangbah Government College (KNGC) toh kiwa boon dooh ki wa wan thoh exam kiwa da poi 952 ngut. Ha Arts da em 777 ngut, Science 130 ngut katwa ha ka Commerce da em 45 ngut. Kini waroh toh du ki khynnah wa puræ ha KNGC.

Ha Thomas Jones Synod College da em waroh 734 ngut kiwa wan thoh exam wa kynthup ya ki khynnah wa puræ ka St. Mary Mazzarello, Jowai Presbyterian Higher Secondary School, Amwi Higher Secondary School kamjooh wa ki khynnah ka Thomas Jones. Kiwa yaleh ya ka Arts toh 688 ngut wa 46 ngut ki Commerce.

Ha Government Boy’s Higher Secondary School, Jowai won da em waroh 137 ngut heiwa 90 ngut toh kiwa wan thoh ya ka Arts wa 47 ngut ya ka Science.

Ha KJP Synod Higher Secondary School won da em waroh 370 ngut heiwa na kini 153 ngut toh kiwa yaleh ya ka Science, 186 ngut ya ka Arts katwa 31 ngut won kiwa wan thoh ya ka Commerce.

Ha East Jaiñtia Hills District won, waroh kiwa yaleh ya ka Exam HSSLC da em ki 858 ngut ha ki le tylli ki thaw thoh exam. Ha ka Arts da em 236 ngut ki chynrang katwa ki kynthai won da em ki 495 ngut waroh da poi 731. Ha ka Science da em 23 ngut ki chynrang wa 24 ngut ki kynthai iwa mut da em 47 ngut. Ha ka Commerce da em 46 ngut ki chynrang wa 34 ngut ki kynthai waroh da em ki 80 ngut.

Hei kheiñlang ha EJH da em 305 ngut ki chynrang wa wan yaleh exam katwa ki kynthai won da em ki 553 ngut. Ha WJH won da em 1253 ngut ki chynrang katwa ki kynthai da em ki 1926.

Iwa mut waroh da tam ki kynthai da 921 ngut.

Also Read: Boon ki kynthai bar ya ki chynrang kiwa yaleh ya ka Exam SSLC

Advertisement ad1

0 Comments

Leave a Reply