Ka Shillong Lajong FC hei sdang ko ya ka I-League ha kani ka samoi da kut ka yalehke da 1-1 pyrchah yaka Mohammedan SC kawa da pynman ha Naihati Bankimanjali Stadium, West Bengal ynne i miet.
Ka yalehke toh kawa yoosuk bha heiwa waroh arliang da yaleh ki wow yoh yei jop yow khur ya waroh 3 Point heiwa ka Shillong Lajong da yoh ko wow thap nyngkong haka minit wa 45+2 da uwa yalehke uwa na Japan, u Takuto Miki tangwa ka Mohammedan da yoh ko wow su kylliang ha ka kylla miet haka minit wa 53 lyngba u David Lalhlansanga uwa da mih kam u Substitute.
Uwa yang kool ka Shillong Lajong, u Bishal Lama da mynsoo u hadien wa ya tyngkhooh wa uwa yalehke ka Mohammedan, u Remsanga haka minit wa 57.
Da ini, waroh arliang da yoh ki mar chi Point wei kattu ka Lajong u yachem ko waka Neroca FC kawa na Manipur kawa daw man kam ka yalehke para North East (North East Derby) ha ka 9 tarik uni u bnai heipor 2:00 waje i sng ha SSA Stadium, Shillong.
Discussion about this post