15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

I leh chynnam namo i bakla?

Advertisement ad1

Dang ha ka 30 Kmaichonglad 2020 ki khon ka Ri Jaiñtia dei sñiawkhia ya ki kaam wa khroo u Kiang Nangbah neibynta ka jaitbru ka ri, yoohkjat ki ha Madan Madiah Kmaiblai wow sakhilang yei kynmoo warom ya ka lyngkhooh snem sngi yap wa 158 yong oo, katwon man iwa sñiawsuk wei yoosuk yei tip ki khon ka ri u pynkhroo yei naam i pyrtuid yong oo hakhmat ka pyrthai.

Yoodiaw wei yaamrem won ki khmat u chem wa ha lyndet i man khroo i pyrtuid wei naam u Kiang Nangbah kam u Khlawait ka Ri uwa da tipmit da ki bor sorkar, tip i bakla namo i leh chynnam wa u Kpieñ Poila watoh u pyndaiñ ha rdang da pyndaiñ pathan hei bynta i khmat yong oo, iwa chisien pait yoo wa man i rukom  pyndaiñ wa pynhiardor yei man khroo yong oo wei lada jia ryngkhat wa wan ki bru na baar wow yoo yeini, daw man i rkhai beiñ ya ka jaitbru yong i khamtam ya i ki khon ka chnong Jowai.

Yi wa leh yeini? mih u dak kylli, hawa tang wow psiah laitlooid man-ki-por ha i bynta u mot sahnaam yong oo ym yoh. Wow ku pathan ha u motdur (Statute) yong oo ymtoh iwa suk. 

Yow lait u jia kam kini kiyi kiyi ki rukom wa ktah yei man khroo u Kiang Nangbah hakhmat ki bru wa wan walai ha kani ka thaw, kyrpaad ya ki bor pait bor pynlai ka Jaiñtia Iasiat Khnam Kiang Nangbah Memorial Society, wow chimkhia ki u booddien wei wow leh yeiwa emkaam.

NB: Ya ini da thoh da uwi, uwa ym kwah u pynmih pyrtuid. 

Share this:
Previous

Kynmoo burom ka Madankynsaw-Mowkyndeng ya ki waheh wa seiñ ya ka chnong

Next

Da ki jar jiar ki manyung da lehkmen snem thymme na iwa jooh ha Jowai