theme-sticky-logo-alt
theme-logo-alt

I leh khalær u Contractor wa ka chnat PWD pynpoi ko chei khlaad uwi: KSU

Advertisement ad1

Ka KSU-South West Khasi Hills District lyngba ka Wyrta na u Denishan Iawrod, Asst. Organising Secretary KSU-SWKHD) da pynsñiaw ko yei sñiawsih wei da phah ko ya ka khubor wyrai cha ka yung u Nidayophi Dkhar uwa na Wapungskur uwa da khlaad noh hadien wa ka Truck kit khyndaw-bilat da haap ko chapoh u riat wa jrong kamwa 200 phut ha chnong Mawsynram hajan ka Krem Mawjymbuiñ. Ini da jia i ha i step ka 13 tarik heipor kamwa 8:00-9:00 waje. 

Hajrong ini i jia neiliang ka chnong Mawsynram, ki dkhot ka seiñ, ka SDRF wa kiwa chong chnong ka chnong Wapung da wan thooh ki ya uwa yah khnang wow ye u sai ya oo na i khyndaw-bilat ynnin ka 15 tarik.

Chooh chooh ka seiñ da ong ko wa ini da jia i nei khalær u Contractor wa chna ya u sarok heiwa da pyndap da ki churia wa da pyndap du da i khyndaw heithaw wow kynroh da ki moo ha ini i thaw wa oor, ka seiñ da ong ko leh wa ini toh i kreh khalær ka yung krehkaam PWD Mawsynram Division. 

Advertisement ad1

Ka seiñ da ong ko leh wa da chem ko wa u sarok da khian ware u nadooh na Weiloi hadooh Mawsynram wa Ranikor wei ka seiñ da ong ko wa ka sorkar toh u kyruiñ ko wow chna pynheh wei chna pynmiat noh ya u sarok khnang wow chngaaiñ ki paidbah wa lai wa wan. Ka seiñ da ong ko leh wa da toh wow phah chna pynmiat noh deiwa paka ya i bynta wa oor. Da dawa leh na u MLA wa u MDC ka Mawsynram Constituency wa Ranikor Constituency wow kyruiñ leh cha uni u sarok khnang wow ye u leh yeiwa emkaam wow yada ya ki mynsien wa kordor. 

Heijooh i por da e khublei leh ya kiwa chong chnong ka Mawsynram, ki dkhot ka KSU Mawsynram Unit wa kiwi kiwi kiwa da chimkhia wow thooh ya uwa da khlaad wei wow yarap ya uwa bood yong oo wow pynpoi cha ki thaw sumaar. 

Share this:
Previous

Deilang wa ka Ambulance pynlait hei lehkmen sngi laitlooid ha Mooshrot

Next

Poi ka Behdieñkhlam ka Raij Sohkymphor cha wakut