U Symbood Montri Rangbah ka kylla, u Prestone Tynsong da ong u wa ki khynnah khynroo ymtoh u sñiawthooh bakla ki heiyatoh wa i sñiaw maya jaitbru.
Da ong u wa em boon rtap hawa maya ya ka ri wa ka jaitbru, næ ka kur ka jait wa ya ka yung ka sem, wei ini ymtoh dei ya joo naam tangwa emkaam wow pynkhlan chwa samen kammon wow tei ya ka yung ka sem wa ka chnong ka thaw.
Yeini da ong u Prestone hadien wa chem wa emkti ki khynnah khynroo wa dang khian rta hei wow booh Bomb ha Police Bazar ha ka 30 tarik u bnai wa dadep.
U Prestone da ong u leh wa ka sorkar da kyrpaad ko wa kam ki manbei manpa emkaam wow kitkhlieh lang wow pynyaar yei thij i pyrkhat ki khon neibhah ini i kaam (damok) ymtoh wow poi cha ka thong maya ri wa jaitbru.
Da ong u wa kani ka juk thymme toh kawa em boon kiwa hap wow yaleh ha kiwa boon ki bynta katwa kamtæ emkaam wow hikai wow pyntikna wa ki khon khynroo ymtoh u chah yah bakla ki neibhah khaddooh daw poi i du ha i dooh myntoi donhi.
