I miat ka Syntuksiar da riñ i ya kiwa chna phlim na Manipur

Jowai : Ka Syntuksiar man ko ka thaw kawa yoosuk wei kawa da bna naam ha kylleiñ ka jylla khamtam na ki jylla na ka thaiñ mihsngi ka ri India weiwa yeini da ye u pynsakhiat deiwa yoh u yachem wa kiwa chna phlim na Manipur wa wan riñ ya ka phlim yongki ha kani ka thaw.

Ynne kini kiwa chna phlim da sdang ki u riñ ya ka phlim yong ki kawa e pyrtuid kam ka “My name is Papaya” kawa da pynmih da Read Eagle Matchbox kawa na Chennai, Tamil Nadu.

Kani ka phlim toh kawa da Direct da u Kangba Lavejoy wei man ko leh ka ka sien kawa nyngkong kawa direct u ya ka phlim “Full Feature Length” wei da chna ya kiwa boon ki Short Film.”

Kani ka phlim jrong ko kamwa chi kynta chiphaw minit wei u man ko leh hei ktien phareng. Ha kani ka phlim da ak da ka Sneha Biswa na Shillong wa u Thanrei Shimray na Manipur.

Related posts

Rah uwa na Mihmyntdu ya ka Thar ROXX wa pynkhle ka JHTOA

December 27, 2024

Jop u Dolloi ka Elaka Jowai ya ka Lucky Draw ka Panaliar

December 27, 2024

Ya kani ka phlim daw riñ 6 sngi ha Jowai wa 6 sngi ha Manipur. Kani ka phlim toh da chna kyrpang heiwow wanrah i yakrehlang wa ki khynroo khyllood kiwa emsap kam ki Fashion Designer ka Bikila Savanamei weiwa ynne ka sngi chrup wa kiwa ak wa kiwa kreh em ki waroh 9 ngut.

Hei yaklam wa u Director ka phlim da ong u wa kani ka phlim ymtoh chaphang ka Manipur, ka Jowai næ ka Jylla Meghalaya tangwa waroh ka thaiñ Mihsngi ka India wei man ko leh kawa khana yei eh i khoo ki khynroo khyllood kani ka thaiñ chem ki.

Da khana u wa kani ka phlim toh chaphang kawi ka khyllood kawa pyrtuid ka Papaya kawa ym em de iwon iwon i thong yong ka ha ka sla ka sla pyrthai wei man ko ka bru wa dih wa baam wei ym kwah kurim watang ko heiwa da yut ko na yung wei thooh ko yei thaw wa langam wa duna bru yow yoh ko u imsuk. Hadien ini da yachem ko ya uwi u bru da pyrchang u e mynsien ya ka.

Kani ka phlim pyrchang ko leh u pynyoo kamwa jia hi cha pyrthai katkam i ong u director.

U director da ong u wa ka chnong Jowai man ko ka thaw wa yoosuk wei kawa yahap bha wa kani ka parom ka phlim. Heijooh i por da ong wa daw riñ ki leh ha Chnongpdeng, ha kchaaid Tyrchi wa kiwi kiwi ki thaw hajan Jowai weiwa daw embynta leh ki bru na ka chnong Jowai ha kani ka phlim.

Ka mang poisa ka phlim toh du T.4 lak wei da thmu wow pyllait ya ka ha u Naikhynde (September) uni hi u snem wei ye leh u pynyoo ya ka ha Shillong.