Khliehriat: U Deputy Commissioner (Excise), East Jaiñtia Hills District da pyntip u wa katkam ka hukum ka sorkar jylla waroh ki dukan dai kiad (Wine Shop) wa ki Bonded Warehouse kiwa da pynthymme ya ki license neibynta u snem 2020-21 da chah ya ki wow wai ki hapoh ka District.
Kini ki dukan u wai ki nadooh ka 08 tarik nadooh 9:00 waje i step hadooh 4:00 waje i janmiet nadooh ka dep sngi bibar (Monday) hadooh ka Thohdieñ (Friday).
Kini ki dukan toh u wai ki thij katkam i por wa da booh wei toh u bahkhlieh ki wow pynbiang wakreh wei i jngai kiwa wan iwi na iwi kamwa 6 feet wei ymtoh u chah palat 5 ngut ki bru heijooh i por ha iwi i dukan.
Heijooh i por toh u bood leh ya ki kyndon ka chnat i chait i khiah wa kiwi ki hukum wa pynmih ka sorkar neipor cheipor.
Ki tre dukan toh u kreh ki chirup wa ki bor District Administration, pulit, ki bru ka chnat Excise wa kiwi kiwi.