Uwa yahkhmat ka NPP, uwa man leh u Symbood Montri Rangbah ka jylla, u Sniawbhalang Dhar da ong u wa i psiah kiwa boon kiwa yahkhmat yong kiwi ki seiñ saiñpyrthai cha ka NPP ha ki kajiak sngi wa dep, pynyoo ko ya ki dak ki chin wa u kyrtong ka Party, u Dr. DRL Nonglait em u i kyrmen wow poi cha ka thong ha ka Election MP Lok Sabha chiteiñ samoi.
Hawa kylli hajrong i ya krehlang ha kani ka Bye Election wa ki seiñ wa synrop wei emlang ha ka sorkar MDA, u Sniawbhalang da ong u wa chong hei rai yong ki, deiwa pynrap wa ka BJP ye ko wow booh ya u kyrtong yong ka hi kamjooh ka UDP, tangwa da ong u wa lada ym pynyieñ kyrtong daw yaklam won kammon u lai ha kani ka Election.
Da booh u leh yei kyrpaad cha ki paidbah ka Shillong Parliamentary Constituency wow e laad ya ka NPP ini chisien wow yoh MP yow ye u nang kreh rap bha chooh chooh neibhah kam kawa em ha ka sorkar jylla wei kawa emlang ha ka NDA hapoh ka sorkr pyrdi daw ye u leh ya iwa boon.
Discussion about this post