U Deputy Commissioner (Election), East Jaiñtia Hills District, Khliehriat da pyntip paidbah u wa neibynta ka Election Meghalaya Legislative Assembly na 6-Khliehriat (ST) Assembly Constituency da pynmih ya kani ka hukum heiyatoh wa i thap pyrtuid ki kyrtong.
I thap pyrtuid ki kyrtong namo kiwa tyrwa pyrtuid; ye ki wow e ya ki kot ki sla ha u G. Warjri, Returning Officer namo ha ka F. Wann, Assistant Returning Officer, ha ka Room No. 213 ka yung krehkaam u Deputy Commissioner, East Jaiñtia Hills District hapyrdi 11:00 waje i step hadooh 3:00 waje i sngi wei ymtoh hadien ka 3:00 waje ka 7 tarik u Thohlakhmi (Feb) 2023 wei ya ki Form ye u chim na kini ki jooh ki sahep ha i por wa da booh.
U sylli ya ki kot namo ka Scrutiny u man ko ha Room No. 210, Conference Hall ka yung krehkaam u Deputy Commissioner ha ka 8 tarik u Thohlakhmi (Feb) 2023 heipor 11:00 waje i step.
Ki kyrtong kiwa kwah u randien ye ki wow leh da ki hi lane da kiwa tyrwa pyrtuid deiwa yoh dei thoh na u kyrtong wei wow e yeini ha ki sahep wa dadep kdaw haneiñ chwa ka 3:00 waje ka 10 tarik u Thohlakhmi 2023.
Ka sngi wow thap Vote u man hi ko ha ka 27 tarik u Thohlakhmi 2023 nadooh 07:00 waje i sngi hadooh 4:00 waje i janmiet.
