Jowai: Hei boodien yei kynnoh ki arngut u Nut Sangma wa 24 snem wa u Kamal Tyngkan wa 22 wa chah dat ki ha ki 15 ngut ki bru ha Iawmusiang ha ka miet ka 18 tarik da yoh won u sñiaw neiliang kiwa dat ya u Nut Sangma kiwa ong wa ki yarap ki ya kawi ka manbei heipor wa yoo ki wa ksih u ka na radang.
Katkam ka parom wa yoh na waroh arliang kamjooh leh na ki pulit ka Jowai da ong wa ha ka tai ka miet u Nut da yoo u ya ar ngut ki chynrang wa ksoh ya ka kynthai na kti ko kawa tipmit u Nut neibhah ki sah wai ki ha i joh i thaw. Da suba u Nut wa kini ki ar ngut toh em ki i thmu wow leh bakla ya kani ka kynthai kamtæ oo da taan u ka yow lait ko na ki tai ki ar ngut.
Ka bei yong kani ka kynnah kawa beh yaw ong ko ka wa pyntip ya ki tai ki arngut yow li thooh ki ka ka khon ko neibhah wa wiar ko na yung neibhah ka em ko cha palat chnong wei da chem ya kani ka kynthai cha Treriat wei em ko samen samen.
Hadien wa wan beh yaw kani ka manbei da chem ko oo u Nut ha Laad Wahnangbah hadien wa em wa pyntip cha ka wa da rah u ka khon ko. Kamtæ da sdang u mih i awri ha pyrdi ki ar ngut wei da wan ka wi ka bru wa yarap ya ka hadien wa yoo ko wa ksih u ka na radang. Kani ka bru ong ko wa tipmit ko ka manbei wei u Nut da sdang won u wow pynkhor wei da ksih u sa ya ka wa yarap na radang wei kani ka bru da sdang ko u bok oo u Nut wei da mut ki u rah ya oo cha pulit tangwa da pyllait noh ki oo wei oo da phet u cha ka Police Station.
Sa iwi wa sniaw phylla won, toh wa hadooh ynne ka sngi ya ka khon ka tai ka kong ym pu em chem ya ka wei neilaing ki pulit da ong ki wa bei yong ka da ong ko wa man i por jooh wiar ka khon ko.
Ini i jia da kut i khlem em wa booh FIR hadien wa poi ki arliang ha i sñiawthooh yumut (Compromise).
Also Read: Chah dat ki ar ngut ngut ha Iawmusiang kiwa mut u yarap ya ka wi ka kynthai
Discussion about this post