Jowai : U Joint Secretary ka Executive Committee, JHADC ynnin ka 20 tarik da ujor FIR u ha ka Jowai Police Station hei yatoh wa i psiah deibor ki dkhot ka KSU Jaiñtia Hills District Unit hei yahkhmat u Nangai Sutnga wa u Justice Paul Lyngdoh ha kamra kreh u CEM ka JHADC u ma Thombor Shiwat.
Ha ka tai ka FIR da ong wa ki dkhot ka KSU da maham ki leh ya u CEM kamjooh leh wa kiwi ki MDC wa emlang ha kamra u.
Neiliang ka KSU JHDU da pynche ko wa u Justice Paul Lyngdoh ym em de man u kam u dkhot ka KSU wei ha ka sngi wa psiah cha ka kamra kreh u CEM oo ym em psiah u wei oo em u cha lait wei da yachem hi eh ki wa oo, wei ka khubor wa mih cha ki kotkhubor wa ki Social Media toh wa bakla u Publicity ka seiñ.
U Justice Paul Lyngdoh toh u General Secretary ka KNGC Students Union. Mynchwa jooh man u kam u Education Secretary yong ka KSU Jaintia Hill District Unit.
Also Read: Kular u ma Thombor wow chimkhia yei dawa ka KSU hadien wa psiah ki deibor cha kamra u
Discussion about this post