Heiyatoh wa i mih khubor wa mynsoo uwi haiden wa toh siat bakla heipor wa lai baam doh ha Syntu Ksiar heiwa ka Pistol wa da pynemkaam toh da ka yong u SI Wewanroy Challam katwa uwa da toh kuli won toh uwa tip kam u Wanda-O Najiar, neiliang ki ar yung da phah ki yei pynche.
Da pyntip wa ini da jia i heipor 2:00 waje hadooh 2:30 ka 10 tarik uni u bnai ymtoh kamwa mih khubor wa jia i heipor 4:30-5:00 waje i janmiet.
Heiyatoh wa iwa da thoh wa da dih kiad u Wanda-O, da pynche wa waroh le ngut kiwa emlang ha kani ka thaw wa kyntup ya u Wewanroy Challam, u Wanda-O Najiar wa u Mandaoo Dkhar da man hi ki kiwa ya dih kiad lang wei da ya muaid lang hi ki.
Chooh chooh da ong wa kini ki ar ngut, u Wewanroy Challam wa u Wanda-O Najiar man ki kiwa ya maya lok bha wei ym em u ya kajia ki wei wa ini iwa jia man i dei wym poi pyrkhat ya pyn-ar-ngut ki.
Kamtæ heiyatoh wa ini wa jia, da booh i kyrpaad ya ki paidbah wow sñiawbha u burom kamjooh u em i sñiaw ya kiwa ha-yung ha-sem u Wewanroy Challam kamjooh u Wanda-O Najiar dei wym hoi u chim deiwitawon ya ini i jia iwa ktah wei pyntakha ya kini ki kur pyn-ar-liang.
Da pyntip wa hadooh kattæ ym pu tip yeiwa jia sakhiat neibhah u Wanda-O dang em u hei chah sumaar wei ym pu ye u wow klam.
Discussion about this post