Mih i kynaad hadien wa chem ya i doh sñiang wa ka chithi ha i Masjid

I kynaad da mih i ynnin i janmiet ha thaaiñ Tilabazar ka Kailashahar wa em ha Unakoti District ka Tripura hadien wa chem ya i doh sñiang wa ka chithi napoh ka Tilabazar Jama Masjid ha Tripura.

Neiliang ki pulit da da poi ki ha ini i thaw wow pyn-jai-jai ya ki paidbah.

Katkam ka khubor wa da mih, da ong wa u Imam ka Masjid da yoo u ya ka Plastic ha madan ka Masjid hei janmiet wei manda wai da chem yei doh sñiang wa kawi ka chithi hapoh.

Ha ka chithi da thoh wa ka Tripura chisien toh ka jylla ki Hindu wei i thaw wa yieñ ka Tilabazar Jama Masjid toh i yong ka Gaur Govinda, heiwa jooh em i Mandir nachwa wei kani ka thaw nachwa ym jooh em Muslim ko wei da toh u tympra noh ya kani ka Masjid.

Related posts

Da khut ya kiwa tip chaphang i khonboo wa chah noh wow wan ki chakhmat

May 2, 2026

Khut ka Wahiajer Tourism Development Society ya kiwa kwah u chim-wai ya ki ar tylli ki Project

May 2, 2026

Hadien ini da mih ki paidbah chirup wa u heh ka Congress deilang u Gournagar Block Vice Chairman, u Mohammad Badruzzaman, u Tripura Waqf Board Chairman wa u MLA warim, u Moboshar Ali kamjooh u Tilabazar Gram Panchayat, u Pradhan Ahiduzzaman.

Neiliang u Kailashahar SDPO, u Jayanta Karmakar, u OC ka Irani Police Station, u Biraj Debbarma, u Additional SP ka Unakoti District, u L. Darlong wa u Deputy Magistrate, u Mati Lal Debbarma leh da hair ki wut-wut cha ini i thaw.

U Avinash Rai, Acting SP da ong u wa em ki bru chim kabu wa kwah u pynmih ya i awri kiwa da leh yeini wei daw kem leh ya kiwa emkti.

Chooh chooh da pyntip u wa da phah leh ya ki pulit wow em ki ha ka thaaiñ.