Heiyatoh wa iwa jia ha Shiva Temple ha ka 24 tarik uni u bnai iwa em ha Mahadev Khola Dham ha Laimer ha thaaiñ Lawsohtun, Shillong heiwa da em ki damok wa wan pynkulmar, neiliang u SP ka East Khasi Hills da pyntip u wa heipor kamwa kamwa 12:00 i sngi da em uwi u bru wa wan ha kani ka thaw wei da paan u yei Amul Kool na iwi i dukan heiwa da ong u wow su won ya kawa chongdai hadien.
Hadien wym bien kani kawa chongdai wow e, da pakhot u da u snikor ha kani ka tre dukan heiwa da wan u khon ko uwa 21 snem wow tuklar kamtæ da mih i yachoh.
Hadien kamwa chiteiñ kynta da wan uni u bru wa soo ngut kiwi tawon ki lok u wei da dat ki ya u khon kawa dai dukan wei da tooh poisa ki na kani ka dukan wei yut wot ki.
Ki pulit ka Jhalupara OP mar ya tip yeini da hiar ki wut-wut cha ini i thaw chirup wa ki heh pulit.
Kani ka manbei wa u khon ko da takha malu mala ki wei da dang takit yeini i kaam deiwa Register ka Case ha Lumdiengjri PS yow kem ya kini kiwa emkti.
Puræ leh: Chah dat kiwa lai mane wei pynkulmar ki damok ha Shiva Temple wa em ha Shillong
Discussion about this post