15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

I pynche na u DHS hajrong i khlaad ka Nurse

Neiliang u DHS (MI) u Dr. Aman War heiyatoh wa i yap kawi ka Nurse kawa kreh ha Ganesh Das Hospital na u COVID-19, da ong u wa ini jia ym toh neidaw wa khalær ko boi ye u man heipor wa sumaar ya kiwa chitom te yabi u khñiang wei ym ye u kdaw kti ya ka Hospital neidaw wa ki Hospital man ki ki thaw wa chngaaiñ dooh.

Da ong u leh wa ki wakreh em ki por hap ki wow mih yow lai yaw lai haat wei ha kam kini ki por yachem ki wa kiwa boon ki bru kamtæ ym ye u pynbaad ya ka Hospital neibhah wa ye u yabi na iwon iwon i thaw.

Heiyatoh wa phah ka sorkar yaki kynthai wa punkhon wow kreh ki na yung, u Dr. War ong wa ha kam ini i por wa em ka khlam, ki wakreh hei chait hei khiah ym ye ki wow kreh na yung neibhah hap ki wow em dei bru ha i thaw kreh wei em ki por wa dooh yei mynsien ym du na u COVID kamjooh leh na kiwi ki jait kjut wei ini toh i eh wa hap ki wakreh hei chait i khiah u yaleh nadooh ki Doctor hadooh kiwa yarap wei ym ye u ong 100% ym yabi kjut nadooh u COVID kamjooh kiwi de ki jait kjut. Wei na ini i daw da phah ya waroh ki wakreh wow man ki kiwa syndong wa kiwa husiar bha ha waroh i por.

Da ong u leh kamwa man katni ki Hospital da duna bru wakreh ki wei lada em ki wakreh kiwa pun khon, ya kini ym booh ya ki ha ki kaam wa yatoh wa u COVID, kamjooh ya kani ka Nurse wa khlaad leh ym jooh em booh ya ka wow leh ko ya ka COVID Duty.

Da pyntip leh wa katni em boon ki wakreh hei chait i khiah kiwa punkhon wei da dep thoh ki leh cha ka sorkar yow pynlait ki nei kaam wei hei thaw yong ki wow booh da kiwi ki bru wei ka sorkar da mynjur ko.

Da pyntip u wa da em 40 ngut ki bru wakreh ha i chait i khiah kiwa da dep chah ktah ha ka khlam wei da khlaad ar ngut. Chooh chooh da ong u leh wa da em ka Insurance wa T. 50 lak neibynta yong ki wa ka T. 50,000 cha kitu kiwa khlaad.

Share this:
Previous

Wei Lockdown wa u slap

Next

U pteiñ i khang ki dukan dai kiad ha East Jaiñtia Hills