Jowai: Katkam ka khubor pynche u Acting Waheh Chnong ka Ladmukhla wa u Secretary chnong toh kawa bakla wei kawa khlem yurim neibhah neiliang ki paidbah chnong da lyngoh ki neidaw wa tkhoh i rukom krehkaam kini kiwa yahkhmat wa rim wei wym ye ki u pynche paidbah lyngba ka Audit Report, wei i kwah i u kylli nakini ki rangbah wa pynche wa hadooh katwon ye ki u saitkti ya kani ka kaam? Da kylli ki waheh na kani ka chnong.
Da suba wa kani ye u em iyi iyi ha lyndet neibhah da kylli ki wa neiyi i daw wa ka scheme paikhana kawa e ya ki paidbah ym em u mih ko ha ka Audit Report, wei ka scheme paikhana kawa chna won hapoh u pood u ang ka chnong ym em u paw ko.
Iwa phylla chooh da kam kini ki waheh wa kiwa yahkhmat ya ka chnong kiwa em du katni ngut da tyngkheiñ ki yaka constitution ka chnong deiwa lai lait ya ka rukom krehkaam ka chnong neibhah wa katkam ka aiñ kawa pynmih da ka chnong ymye u e NOC uwon uwon wow siam um (drill) hapoh ka chnong katwa ya ka Highwind kawa em ha Thadlaskein da yoh NOC ko wow drill um iwa man pyrchah ya ka aiñ chnong. Ini i siam um wat ki dkhot ka EC leh ymtip ki yeini yeiwa da saitkti ki ha ka General Meeting wada man haka 17-07-2017.
Hei yatoh won wa i thap vote katkam wa da pynche daki arngut kiwa yahkhmat chnong katkam wa da mih khubor man ko kawa bakla neibhah wa ym jooh em i thap vote ha manla ki samoi pynthymme bru ha uni u snem wa dadep wei nadooh u 2009 da em du 3 næ 4 sien i thap vote.
Kamtæ ki waheh ka chnong da beiñ joor ki yeini i pynche kiwa kitkaam wa katni iwa khlem yurim.
Kani toh katkam ka khubor na u Mar Sari ryngkat wa ki kattu katni ngut ki waheh ka chnong.
Also Read: Pynche u Acting WC ka Lad Mukhla hei yatoh wa i mih khubor ka kulmar ka yalang paidbah ka chnong
Discussion about this post