15 49.0138 8.38624 1 0 4000 1 https://wyrta.com 300 0

Ka Kisan SAMPADA ka scheme wow yarap ya ki khynroo khyllood khamtam hei song baam

0 Comments
Advertisement ad1

Shillong: Da pynman ya ka Road Show ka World Food India 2017 kam chibynta wow pynsniawthooh paidbah ya ka Scheme thymme wa tip kam ka Kisan SAMPADA ynne ka sngi ha Hotel Poinisuk, Shillong heiwa u Additional Chief Secretary, Government of Meghalaya, u P. W. Ingty da man u kam u kongsan.

Ya kani ka programme da pynman da ka Ministry of Food Processing Industries, Government of India hei yakrehlang wa ka Indian Chamber of Commerce wei da kyrchaan daka Commerce & Industries Department, Government of Meghalaya.

Hei klam kam u kongsan u Ingty da ong u wa katni da sdang mih kiwa seiñkhih wa boon jait hapoh ka jylla wei da kyntu u wow chimkhia wei wow chim kabu ya kani ka scheme.

U Joint Secretary, Ministry of Food Processing Industries, u Parag Gupta da e u ya ka Power Point Presentation hajrong ka phang World Food India 2017 wa kani ka scheme thymme kawa tip kam ka Kisan SAMPADA.

Ha kani ka sngi da em leh u Director, Commerce and Industries Department, u Nehru Suting wa ka Additional Director, Indian Chamber of Commerce, ka Madhuparna Bhowmick.

Ka World Food India 2017, toh ka yaaw bah ka wow pynman ha ka 3-5 Khonchonglad (November), 2017 ha New Delhi, hei wow pyllai yumut hajrong ki kaam seiñkhih wa i rukom song baam hapoh ka ri.

Ka SAMPADA (Scheme for Agro-Marine Processing and Development of Agro-Processing Clusters) toh ka satri heiwa hapoh yong ka ki scheme kam ka Mega Food Parks, Integrated Cold Chain and Value Addition Infrastructure, Food Safety and Quality Assurance Infrastructure, wa kiwi kiwi em bynta ki.

Advertisement ad1

0 Comments

Leave a Reply